اسلام آباد(وقائع نگار خصوصی)عالمی مالیاتی ادارے (آئی ایم ایف) اور پاکستان کے درمیان مذاکرات تو جاری ہیں مگر نتیجہ کوئی نہیں نکل رہا، سیکریٹری خزانہ کے حالیہ دورہ امریکہ میں سٹاف لیول معاہدے کیلئے اہم پیشرفت نہ ہوسکی ہے۔
”پاکستان ٹائم“ کے مطابق ذرائع کا کہنا ہے کہ آئی ایم ایف نے معاہدے کیلئے تاحال تاریخ نہیں دی ہے جبکہ وزارت خزانہ نے کہا کہ آئی ایم ایف نے شرائط پوری کرنے کا مطالبہ کیا ہے۔حکام کے مطابق واشنگٹن میں سائیڈ لائن میٹنگزحتمی نتیجہ پرنہ پہنچ سکیں اور سعودی عرب، یواے ای کی یقین دہانیاں بھی ناکافی ثابت ہوئیں ہیں۔ذرائع نے بتایا کہ مزید ایک ارب ڈالر کا کمرشل بینکس سے فنانسنگ کا پلان دینا پڑا ہے اور آئی ایم ایف کوسستا پٹرول سکیم پر تفصیلی بریف کیا گیا مگر آئی ایم ایف نے تاحال سستا پٹرول سکیم دینے کی سکیم پر رضامندی کا اظہار نہیں کیا۔
