عید سے ایک روز پہلے سونے کی قیمت میں بڑا اضافہ

کراچی (کامرس رپورٹر)عید الفطر سے ایک روز پہلے پاکستان میں سونے کی قیمت میں بڑا اضافہ ہو گیا ۔
”پاکستان ٹائم“ کے مطابق ملک میں آج سونے کی فی تولہ قیمت میں 1350 روپے کا اضافہ ہوگیا۔آل پاکستان جیمز اینڈ جیولرز ایسوسی ایشن کے مطابق اس اضافے کے بعد ملک میں فی تولہ سونے کا بھاو 2 لاکھ 18 ہزار 200 روپے ہے۔اسی طرح 10 گرام سونے کا بھاو 1157 روپے بڑھ کر ایک لاکھ 87 ہزار 71 روپے ہے۔ایسوسی ایشن کے مطابق عالمی بازار میں سونے کا بھاو 26 ڈالر اضافے سے 2 ہزار ڈالر فی اونس ہے۔