ڈیرہ اسماعیل خان(نمائندہ خصوصی)پاکستان پیپلز پارٹی کے سربراہ اور وزیر خارجہ بلاول بھٹو زرداری کو ناکامی کا سامنا ،پاکستان ڈیمو کریٹک موومنٹ(پی ڈی ایم)کے سربراہ مولانا فضل الرحمان نے سابق وزیر اعظم اور پاکستان تحریک انصاف(پی ٹی آئی )کے چیئرمین عمران خان سے کسی بھی قسم کے مذاکرات کرنے سے ایک بار پھر انکار کردیا ہے ۔
”پاکستان ٹائم“ کے مطابق مولانا فضل الرحمان نے ایک مرتبہ پھر پاکستان تحریک انصاف کے ساتھ مذاکرات کرنے سے انکار کردیا ہے۔
ذرائع کے مطابق وزیر خارجہ بلاول بھٹو اور مولانا فضل ارحمان کے درمیان ملاقات ہوئی جس میں پی ڈی ایم سربراہ نے پی ٹی آئی کے ساتھ مذاکرات سے انکار کیا۔بلاول بھٹو کے اصرار پر فضل الرحمان نے مشاورت کے لئے وقت مانگ لیا ہے۔ملاقات میں مولانا فضل الرحمان کا کہنا تھا کہ پی ٹی آئی 10 سال میں خیبر پختونخوا کو برباد کردیا، مذاکراتی عمل سے کوئی کوئی مثبت نتیجہ برآمد نہیں ہوگا۔ذرائع کا بتانا ہے کہ ڈیرہ اسماعیل خان میں مولانا فضل الرحمان سے ملاقات کے بعد چیئرمین پیپلز پارٹی وزیراعظم شہباز شریف سے ملاقات کے لئے اسلام آباد پہنچے جہاں انہوں نے شہباز شریف کو پی ڈی ایم سربراہ کے ساتھ ملاقات کی تفصیل سے آگاہ کیا۔
