اسلام آبا (سٹاف رپورٹر) وزیردفاع خواجہ آصف نے قومی اسمبلی میں عمران خان پر الزام لگاتے ہوئے کہا کہ پی ٹی آئی دورمیں تین ارب ڈالرکے بلاسود قرض لینے والوں کے نام سامنے لائے جائیں۔انہوں نے کہا عمران خان نے چہیتوں میں قرضوں کی بندربانٹ کی۔
”پاکستان ٹائم “ کے مطابق قومی اسمبلی میں اظہارخیال کرتے ہوئے خواجہ آصف نے کہا کورونا کے دوران پاکستان کو آسان شرائط پر ملنے والے 3 ارب ڈالر پی ٹی آئی حکومت نے قرض کے نام پر اپنوں میں بانٹے ہوئے ہیں۔انہوں نے کہا عمران خان نے چہیتوں میں قرضوں کی بندربانٹ کی۔ یہ قرض کن لوگوں کو دیا گیا ان کی تفصیل ایوان میں پیش کی جائے۔خواجہ آصف نے کہا کہ باہرسے اس قرضے سے جو مشینری منگوائی گئی ہے وہ چھڑوائی بھی نہیں گئی، ان تمام لوگوں کی تفصیل دی جائیں، ایوان کا حق ہے کہ اس کی تفصیلات لی جائیں۔خواجہ آصف نے کہا کہ ان تین ارب ڈالرزکا استعمال درست ہے تو اس کی تفصیلات قائمہ کمیٹی خزانہ کو دی جائیں،معاملے کی تحقیقات ہونی چاہئیں، جن لوگوں میں تین ارب ڈالر بانٹے گئے ان کے نام سامنے آنے چا ہئیں۔اس پر سپیکر قومی اسمبلی راجا پرویزاشرف نے ہدایت کی کہ یہ معاملہ خزانہ کمیٹی کو بھجوایا جاتا ہے، ایوان کواس کی رپورٹ فراہم کی جائے۔
