کراچی(سٹاف رپورٹر)پاکستان پیپلز پارٹی کی سندھ حکومت نے میٹھی عید سے قبل ہی سرکاری ملازمین کو ایڈوانس تنخواہ اور پینشن دینے کا فیصلہ کیا ہے ۔
”پاکستان ٹائم“ کے مطابق سندھ حکومت نے عید الفطر سے قبل ماہ اپریل کی تنخواہ اور پینشن ایڈوانس میں دینے کا فیصلہ کر لیا۔محکمہ خزانہ سندھ نے نوٹی فکیشن جاری کردیا ہے جس کے مطابق عید سے قبل 17 اپریل کو سرکاری اورنیم سرکاری اداروں کے ملازمین کو تنخواہ ادا کی جائے گی۔نوٹی فکیشن کے مطابق سندھ اسمبلی اور سندھ ہائی کورٹ کے ملازمین کو بھی ایڈوانس تنخواہ ادا کی جائے گی۔اس کے علاوہ سروسز ٹربیونل اور محتسب کے ملازمین کو بھی ایڈوانس تنخواہ ملے گی۔تنخواہیں اور پنشن 2 مئی کی بجائے 17 اپریل کو جاری کی جائیں گی، نوٹیفکیشن میں مزید کہا گیا کہ عید 21 اپریل یا 22 اپریل کو ہونے کی امید ہے۔۔
