لاہور (مانیٹرنگ ڈیسک) وزیراطلاعات مریم اورنگیزب نے کہا ہے کہ لاہور کے لوگوں نے کل عمران خان کو مسترد کردیا، حیران ہوتی ہوں کہ کون لوگ ہیں جو عمران خان کی جھوٹی کہانیوں پر یقین کرلیتے ہیں۔ ہاکی گراونڈ اور مینار پاکستان کی تصویریں جوڑ جوڑ کر پیش کی گئیں۔ حیران ہوتی ہوں کہ کون لوگ ہیں جو عمران خان کی جھوٹی کہانیوں پر یقین کرلیتے ہیں۔
”پاکستان ٹائم“ کے مطابق لاہور میں نیوز کانفرنس کرتے ہوئے وزیراطلاعات مریم اورنگیزب نے کہا کہ ایک شخص نے اپنے اقتدار کو بچانے کے لیے ہر حربہ استعمال کیا، سازشی بیانیہ پیش کیا گیا جو ان کے پیروکاروں نے من و عن قبول کرلیا۔انہوں نے کہا کہ عمران خان کے مسئلے سیاسی نہیں نفسیاتی ہیں، وہ توجہ ہٹانے کے لیے بڑی بڑی کہانیاں گھڑتے ہیں،ان کا کہنا تھا کہ کل لاہور کے لوگوں نے عمران خان کو مسترد کردیا، ہاکی گراونڈ اور مینار پاکستان کی تصویریں جوڑ جوڑ کر پیش کی گئیں۔انہوں نے کہا کہ عمران خان لوگوں کو کہتے ہیں کہ خوف کے بت توڑ دو لیکن خود بلٹ پروف گلاس کے پیچھے سے تقریر کرتے ہیں۔ مریم اورنگزیب نے کہا کہ کل عمران خان نے 10 نکاتی ایجنڈا پیش کیا کہ میں ملک کی گورننس ٹھیک کردوں گا، یہ 10 سال خیبرپختونخوا میں حکومت کرتے رہے، وہاں سے گورننس ٹھیک نہ کرسکے۔ انہوں نے کہا کہ یہ 4 سال پنجاب اور وفاق میں بھی حکومت کرتے رہے، کیا گورننس ٹھیک کرنے کا یہ مطلب تھا کہ گورنس پنکی پیرنی اور فرح گوگی کے حوالے کردیں؟ انہوں نے کہا کہ عمران خان کہتے ہیں کہ کرپشن اور منی لانڈرنگ پر قابو پائیں گے، یہ فارن فانڈنگ کا جواب دے دیں تو منی لانڈرنگ پر خود قابو پالیا جائے گا۔ مریم اورنگزیب نے کہا کہ نواز شریف مہنگائی کی شرح 3.7 فیصد پر چھوڑ کر گیا تھا جو تم نے 16 سے 18 فیصد پر پہنچا دی تھی، ترقی کی شرح 1.6 فیصد پر چھوڑ کر گئے تھے جو انہوں نے منفی کردی اور پھر اپنے اثاثوں میں اضافے کے ساتھ اسے اوپر نیچے کرتے رہے۔
