اسلام آباد (سٹاف رپورٹر )وفاقی دارالحکومت کی ہائی کورٹ نے پاکستان تحریک انصاف (پی ٹی آئی )کی سینئر رہنما شاندانہ گلزار کے خلاف اسلام آباد میں درج مقدمہ خارج کردیا گیا ہے ۔
”پاکستان ٹائم “کے مطابق جسٹس محسن اختر کیانی نے کیس کا محفوظ فیصلہ سنایا، اسلام آباد ہائی کورٹ نے شاندانہ گلزار کے خلاف بغاوت کا مقدمہ خارج کرنے کی درخواست پر سماعت کرتے ہوئے ، 14 مارچ کو فیصلہ محفوظ کیا تھا، جسے آج سنایا گیا ہے ۔
یاد رہے کہ اسلام آباد پولیس نے شاندانہ کے خلاف عوام کو اکسانے اوراداروں کے خلاف نفرت پھیلانے پرمقدمہ درج کیا تھا، ایف آئی آر 153A، 124A اور 505 کی دفعات کے تحت درج کی گئی تھی جو بغاوت، اشتعال انگیزی اورنفرت پھیلانے سے متعلق ہیں۔انہوں نے پشاورپولیس لائنز خودکش حملے کے بعد ٹی وی شو میں فوجی قیادت پرکڑی تنقید کی تھی۔
