لندن (ویب ڈیسک)چیئرمین پاکستان تحریک انصاف (پی ٹی آئی )عمران خان کی سابقہ اہلیہ اور برطانوی پروڈیوسر جمائما گولڈ سمتھ کو رمضان آتے ہی پاکستان کی یاد ستانے لگی ہے ۔
”پاکستان ٹائم “کے مطابق پی ٹی آئی چیئر مین کی سابقہ اہلیہ جمائما نے ٹوئٹر پر جاری بیان میں لکھا کہ پاکستان میں گزرا رمضان میرا سب سے پسندیدہ وقت تھا، یہ مہینہ صرف روزے کا نہیں بلکہ نیک نیتوں اور بہتر انسان بننے کا وقت ہے ، جمائما نے اپنے ٹوئٹ میں مزید لکھا کہ اس مہینے فضول باتوں، قسموں اور جھوٹ بولنے سے گریز کیا جاتا ہے، یہ مہینہ غوروفکر، خیرات ، رحم دلی ،درگزر اور خاندان کے ساتھ گزارنے کا وقت ہے۔جمائما کی جانب سے اپنی ٹوئٹ میں رمضان کی مبارکباد بھی پیش کی گئی۔
