اسلام آباد(مانیٹرنگ ڈیسک) پاکستان تحریک انصاف (پی ٹی آئی )کے وائس چیئرمین شاہ محمود قریشی اور سیکرٹری جنرل پاکستان تحریک انصاف اسد عمر سے غیر ملکی سفیروں نے ملاقات کی ہے، آج صبح بریک فاسٹ میٹنگ میں الیکشن شیڈول سے متعلق تبادلہ خیا ل کیا گیا ۔
”پاکستان ٹائم “کے مطابق پی ٹی آئی رہنما وں کی غیر ملکی سفرا کے ساتھ ملاقات کا اہتمام آسٹریلیا کے ہائی کمشنر نیل ہاکنز نے کیا ،میٹنگ میں پاکستان تحریک انصاف کے سینئر قائدین کے علاوہ، پاکستان میں تعینات یورپین و مسلم ممالک کے سفراءکی کثیر تعداد نے شرکت کی،
شاہ محمود قریشی نے بتایا کہ دوران ملاقات ہم نے علاقائی اور ملک کی مجموعی سیاسی صورتحال پر تبادلہ خیال کیا ، ہم نے شیڈول کے مطابق شفاف الیکشن کے انعقاد اور ملک میں جاری سیاسی عدم استحکام کی فضاءکے خاتمے کے حوالے سے پاکستان تحریک انصاف کے نقطہ نظر سے شرکاءکو آگاہ کیا، ہم اس ضیافت اور ملاقات کے اہتمام پر آسٹریلین ہائی کمشنر جناب نیل ہاکنز کے تہہ دل سے ممنون ہیں۔
