جدہ(سٹاف رپورٹر ) پاکستان کی موجودہ معاشی صورتحال میں بہتری لانے کیلئے سعودی عرب نے بڑی سرمایہ کاری کا اعلان کیا ہے۔
”پاکستان ٹائم “کے مطابق سعودی شہزادے فہد بن منصور السعود نے سعودیہ پاکستان ٹیک ہاوس کو اسلام آباد میں قائم کرنے کا اعلان کیا ہے، ٹیک ہاﺅس کے قیام سے باہمی انفارمیشن ٹیکنالوجی کے شعبوں میں قائم کی جانے والی کمپنیوں سے تجارت کو فروغ ملے گا، سعودی شہزادہ فہد بن منصور السعود السا انٹریکٹو کے شریک بانی بھی ہیں، اس کمپنی کو 2009ءمیں پاکستان کی کاروباری شخصیت سلمان ناصر نے قائم کیا تھا جس کے لاہور کے علاوہ ریاض میں بھی دفتر ہیں۔
