(ویب ڈیسک) پاکستان اور افغانستان کے درمیان طورخم بارڈر کو 6 روز بعد کھول دیا گیا ہے ۔
”پاکستان ٹائم “کے مطابق پاکستان اور افغانستان کے درمیان طور خم سرحدی گزر گاہ کو 6 روز بندش کے بعد بحال کیا گیا ہے ، اب دو طرفہ آمد ورفت شروع ہو چکی ہے،حکام کے مطابق پاک افغان سرحدی گزر گاہ طور خم آج صبح 6 بجے 6 دن بعد کھول دی گئی ہے اور مال بردار گاڑیوں کی آمدو رفت کا سلسلہ جاری ہو چکا ہے۔
پیدل آمدورفت کے لیے گزر گاہ گزشتہ شب ہی بحال کر دی گئی تھی، حکام نے واضح کیا کہ 6 روز قبل افغان سکیورٹی اہلکاروں نے طور خم بارڈر کو ہر قسم کی آمدورفت کے لیے بند کر دیا تھا جس کی وجہ سے ہزاروں مال بردار گاڑیاں پھنس گئی تھیںِ لیکن اب بارڈر گزرگاہ کی بحالی کے بعد مال بردار گاڑیوں کی ا?مدورفت سے تجارت کا سلسلہ بھی جاری ہو چکا ہے۔
