صدر عارف علوی نے وزیر خزانہ اسحاق ڈار کو بڑی یقین دہانی کرا دی

اسلام آباد(سٹاف رپورٹر) وزیر خزانہ اسحاق ڈار نے صدر مملکت ڈاکٹر عارف علوی سے ملاقات کی ہے جس میں ڈاکٹر عارف علوی کو فنانس بل کی موجودہ صورتحال میں اہمیت بارے آگاہ کیا گیا ۔
”پاکستان ٹائم “کے مطابق حکومت نے فنانس سپلیمنٹری بل 2023 وزیراعظم کے مشورے کے ساتھ صدارتی منظوری کے لیے ایوان صدر کو بھجوا دیا ہے، جس پر صدر کی جانب سے وزیر خزانہ اسحاق ڈار کو فنانس بل میں تاخیر نہ ہونے کی یقین دہانی کرائی گئی ہے۔
ذرائع کے مطابق صدر کو آئی ایم ایف سے معاہدے کے تناظر میں قانون کے نفاذ کی ضرورت سے آگاہ کیا گیا۔
پیر کی شام قومی اسمبلی میں مالیاتی قانون سازی کو اپوزیشن اراکین کی موجودگی میں کثرت رائے سے منظور کیا گیا جسے وفاقی وزیر خزانہ اسحاق ڈار نے پیش کیا۔
فنانس سپلیمنٹری بل 2023 کو اسی شام دیر گئے قومی اسمبلی کی قانونی شاخ نے درست کیا اور وزارت قانون کے توسط سے وزیراعظم ا?فس کو بھیجا گیا تاکہ وزیراعظم کے رسمی مشورے کو صدر سے ان کی منظوری حاصل کرنے کیلئے منسلک کیا جا سکے۔ وہ بل جس میں 170 ارب روپے مالیت کے نئے ٹیکس لگائے گئے ہیں تاکہ تعطل کا شکار بین الاقوامی مالیاتی فنڈ کے بیل ا?و?ٹ پروگرام کو بحال کیا جائے اسے جلد از جلد مالیاتی ایکٹ میں تبدیل کرنے کی ضرورت ہے۔

اس خبر پر اپنی رائے کا اظہار کریں

اپنا تبصرہ بھیجیں