پاکستان ٹائم کے مطابق وفاقی دارالحکومت اسلام آباد کے ایف نائن پارک میں زیادتی کا کیس سامنے آیا تھا، جس کے بعد پولیس نے دعویٰ کیا کہ پولیس مقابلے میں ملزمان کو مار دیا گیا ہے۔ تاہم پولیس مقابلے پر کئی سوالات کھڑے ہوئے، جس کے بعد مشتبہ پولیس مقابلے کے حوالے سے تحقیقات شروع کردی گئیں۔
تفصیلات کے مطابق وفاقی دارالحکومت میں لڑکی کے ساتھ اجتماعی زیادتی کے کیس میں مبینہ ملزمان کی پولیس مقابلے میں ہلاکت کا معاملہ مین سٹریم میڈیا پر آرہا ہے۔ جس کے بعد اس حوالے سے تحقیقات کا باقاعدہ آغاز ہو گیا۔ اس سلسلے میں قانونی کارروائی کے لیے انتظامیہ نے 3 رکنی ٹیم تشکیل دے دی۔
ڈسٹرکٹ مجسٹریٹ کی جانب سے 3 رکنی انکوائری کمیٹی کو مراسلہ بھی ارسالک کر دیا گیا ہے۔ کمیٹی میں اسسٹنٹ کمشنر صدر، ایس پی صدر، ڈی ایس پی اسپیشل برانچ شامل ہیں۔ مراسلے کے مطابق مقتولین نواب خان اور اقبال خان کی فیملی کی جانب سے شکایت موصول ہوئی تھی۔مراسلے ،میں مزید بتایا گیا ہے کہ معاملے کی قانون کے مطابق تحقیقات کی جائے اور ذمے داروں کے خلاف کارروائی کی جائے۔
