ریلولے سٹیشنز، پلیت فارمز اور ٹرینوں کی سیکیورٹی ہائی الرٹ کر دی گئی

پاکستان ٹائم کے مطابق ملکی حالات کے پیش نظر ریلویز پولیس نے تمام ریلوے اسٹیشنز، ریلوے پلیٹ فارمز اور ٹرینوں کی سکیورٹی کو ہائی الرٹ کردیا۔
آئی جی ریلویز کے احکامات کی روشنی میں تمام ڈویژنز کے ایس پیز کو فول پروف سیکیورٹی فراہم کرنے کی ہدایت جاری کردی گئیں ہیں جبکہ اسٹیشنز کے داخلی اور خارجی راستوں کی چیکنگ مزید سخت کر دی گئی ہے.
آئی جی ریلویز کی جانب سے ریلوے اسٹیشنز اور ٹرینوں کو بم ڈسپوزل اسکواڈ، اسپیشل برانچ کے ذریعے سرچ اور کلیئر کرنے کے احکامات جاری کیے گئے ہیں جبکہ غیر ضروری نقل و حرکت پر کڑی نظر رکھنے کی ہدایت بھی کی گئی ہے۔
اس کے علاوہ ریلویز پولیس کو ٹرینوں کے واش رومز اور حساس جگہوں کی تلاشی کو یقینی بنانے کےاحکامات بھی جاری کیے گئے ہیں. علاوہ ازیں ڈیوٹی پر مامور ملازمین کو نہایت الرٹ اور چوکنا ہوکر ڈیوٹی سرانجام دینے کا حکم دیا گیا ہے۔

اس خبر پر اپنی رائے کا اظہار کریں

اپنا تبصرہ بھیجیں