ایف 9 پارک میں اجتماعی زیادتی کے ملزمان کو گرفتار ی کے بعد جعلی مقابلے میں قتل کرنے کا انکشاف

اسلام آباد(کرائم رپورٹر ) ایف نائن پارک اسلام آباد میں اجتماعی زیادتی کا نشانہ بننے والی لڑکی کی وکیل نے انکشاف کیا ہے کہ زیادتی کے ملزمان کو گرفتار کیا گیا تھا ، جس کے بعد متاثرہ لڑکی نے ملزمان کو تھانے میں شناخت پریڈ کے دوران پہچان لیا تھا۔
”پاکستان ٹائم “کے مطابق ایمان مزاری نے کہا کہ متاثرہ لڑکی کو پکڑے گئے ملزمان کی شناخت کے لیے تھانے بلایا گیا، میری کلائنٹ نے گرفتار ملزمان کی تصدیق کی تھی ، ایمان مزاری نے کہا کہ ملزمان کی گرفتاری ہو گئی تھی مگر ٹوئٹ کیا گیا کہ ملزمان کے قریب پہنچ گئے ہیں، ملزمان کو ٹرائل سے قبل ہی جعلی پولیس مقابلے میں مار دیا گیا۔
ایمان مزاری کا مزید کہنا تھا کہ ایس ایس پی سے کیس کے سلسلے میں بات کرنے کی کوشش کرتی رہی مگر وہ دستیاب نہیں ہوئیں، ملزمان نے ٹرائل کے دوران انکشافات کرنے تھے کہ وہ اور کتنے جرائم میں ملوث رہے۔

اس خبر پر اپنی رائے کا اظہار کریں

اپنا تبصرہ بھیجیں