پٹرول کی قیمت میں 22 روپے سے زائد اضافہ

اسلام آباد(سٹاف رپورٹر)حکومت نے رات گئے عوام پر پٹرول بم گرا دیا ہے ، یک مشت پٹرول 22روپے 22 پیسے فی لیٹر مہنگا کر دیا گیا ہے ،نئی قیمتوں پر اطلاق رات بارہ بجتے ہی شروع ہوگیا۔
”پاکستان ٹائم “کے مطابق جاری کردی نوٹی فکیشن کے مطابق پٹرول 22.20 روپے، ہائی سپیڈ ڈیزل آئل 17.20 روپے، مٹی کا تیل 12.90 روپے، لائٹ ڈیزل آئل 9.68 روپے فی لیٹر مہنگا کردیا گیا۔
نوٹی فکیشن کے مطابق پٹرول کی قیمت 22.20 روپے اضافے کے ساتھ 249.80 روپے سے بڑھا کر 272 روپے فی لیٹر جبکہ ہائی سپیڈ ڈیزل کی قیمت 17.20روپے اضافے کے ساتھ262.80 روپے سے بڑھا کر 280روپے فی لیٹر ہوگئی،مٹی کے تیل کی قیمت 12.90روپےاضافے کے ساتھ189.83 روپے سے بڑھا کر202.73 روپے فی لیٹر، لائٹ ڈیزل آئل9.68 روپے اضافے کے ساتھ187 روپے سے بڑھا کر 198.68روپے فی لیٹرفی لیٹرہو گیا، نوٹی فکیشن کے مطابق پٹرولیم مصنوعات کی قیمتوں میں اضافہ روپے کی قدر گرنے کے باعث کیا گیا۔