اسلام آباد(وقائع نگار) پنجاب کے مختلف شہروں میں پیٹرول پمپس پر تیل کی قلت کا نوٹس لیتے ہوئے آئل اینڈ گیس ریگولیٹری اتھارٹی (اوگرا) نے ذخیرہ اندوزوں کے خلاف کارروائی کے لیے چیف سیکریٹری پنجاب کو خط لکھ دیا۔
”پاکستان ٹائم “ کے مطابق پنجاب کے متعدد شہروں میں پیٹرول پمپز پر ایندھن کی قلت کی رپورٹس سامنے آنے کے بعد آئل اینڈ گیس ریگولیٹری اتھارٹی نے صوبائی چیف سیکرٹری کو پیٹرول اور ڈیزل کی غیرقانونی ذخیرہ اندوزی کرنے والوں کے خلاف کارروائی کے لیے خط لکھ دیا ہے۔اوگرا کی جانب سے لکھے گئے خط میں کہا گیا ہے کہ حکام نے مارکیٹ انٹیلی جنس کے ذریعے اس بات کی نشاندہی کی ہے کہ پنجاب کے متعدد شہروں میں پیٹرول پمپز نے منافع کمانے کے لیے پیٹرولم مصنوعات ذخیرہ کر رکھی ہے، پنجاب کے مختلف شہروں میں 19 پیٹرول پمپس غیرقانونی طور پر پیٹرولیم مصنوعات کی قلت پیدا کر رہے ہیں،زخیرہ اندوزی اور پٹرول کی مصنوعی قلت پیدا کرنے والے ایسے پٹرول پمپ مالکان واضح رہے کہ پنجاب میں چھوٹے اور بڑے شہروں کے متعدد پیٹرول پمپز پر پیٹرول کی شدید قلت کا سامنا ہے۔ پنجاب کے شہروں لاہور، گوجرانوالہ اور فیصل آباد میں صورتحال تشویش ناک ہے جہاں متعدد پیٹرول پمپز پر یہ تو ایندھن موجود نہیں ہے یہ پھر گزشتہ کافی دنوں سے مبینہ طور پر آئل مارکیٹنگ کمپنیوں کی طرف سے پیٹرول کی سپلائی رکنے کی وجہ سے قلت بتائی جارہی ہے۔دوسری طرف پاکستان پیٹرولیم ڈیلرز ایسوسی ایشن کے سیکرٹری اطلاعات خواجہ عاطف نے کہا کہ لاہور کے 450 میں سے 70 پیٹرول پمپز پر ایندھن نہیں ہے ،شاہدرہ ،، واہگہ ، لٹن روڈ اور جین مندر کے علاقوں میں موجود پیٹرول پمپس قلت کی وجہ سے بند ہیں، آئل کمپنیوں کی طرف سے سپلائی میں قلت کی وجہ سے گوجرانوالہ کے 70 فیصد پیٹرول پمپس پر ایندھن نہیں ہے جبکہ فیصل آباد، اوکاڑہ اور ساہیوال سمیت دیگر اضلاع کے پیٹرول پمپس پر بھی کافی دنوں سے ایندھن کی قلت ہے۔ کےخلاف فوری کارروائی کرتے ہوئے عوام کو تکلیف سے بچایا جائے۔
