مولانا فضل الرحمان کا شہباز شریف کو ایسا مشورہ کہ عمران خان بھی سوچ میں پڑ جائیں


لاہور(وقائع نگار خصوصی)پاکستان ڈیموکریٹک موومنٹ(پی ڈی ایم) کے سربراہ مولانا فضل الرحمان نے وزیر اعظم شہباز شریف کو قومی اسمبلی کے ضمنی انتخابات میں حصہ نہ لینے کا مشور دے دیا۔
”پاکستان ٹائم “کے مطابق ماڈل ٹاو¿ن لاہور میں وزیراعظم شہباز شریف سے پی ڈی ایم کے سربراہ مولانا فضل الرحمان نے ملاقات کی ہے جس میں ملک کی مجموعی سیاسی صورتحال اور باہمی دلچسپی کے دیگر امور پر تبادلہ خیال کیا گیا۔مولانا فضل الرحمان وزیراعظم شہباز شریف سے ملنے ان کی رہائش گاہ ماڈل ٹاون پہنچے،جہاں ان کے اعزاز میں وزیراعظم کی جانب سے ظہرانے کا انتظام کیا گیا تھا ،ملاقات میں سلیمان شہباز اور پارٹی کے سینئر رہنما بھی موجود تھے۔وزیراعظم شہبازشریف سے مولانا فضل الرحمان کی ہونے والی ملاقات میں سیاسی صورتحال اور اے پی سی پر تبادلہ خیال کیا گیا۔مولانا فضل الرحمان اور شہباز شریف کی ملاقات میں قومی اسمبلی کی نشستوں پر ہونے والے ضمنی انتخابات کے بارے میں گفتگو کی گئی ، پنجاب و خیبر پختونخوا میں ہونے والے ممکنہ صوبائی انتخابات کا معاملہ بھی زیر بحث آیا۔
ذرائع کا کہنا ہے کہ مولانا فضل الرحمان نے وزیراعظم کو قومی اسمبلی کی خالی نشستوں پر شیڈول ضمنی انتخابات میں حصہ نہ لینے کا مشورہ دیتے ہوئے کہا کہ پی ڈی ایم کو آئندہ ماہ ہونے والے ضمنی انتخابات میں حصہ نہیں لینا چاہئے بلکہ امن و امان اور اقتصادی صورتحال کو دیکھتے ہوئے ہی الیکشن کمیشن کو انتخابات کی تاریخ دینی چاہیے۔ذرائع کے مطابق وزیراعظم کا کہنا تھا کہ اے پی سی میں تمام جماعتوں کو الیکشن اور معیشت سمیت تمام قومی امور پر متفقہ لائحہ عمل اختیار کرنا چاہیئے، ہم ملکی معیشت کو ٹھیک کرنے کے لئے دن رات کوشش کر رہے ہیں، مہنگائی کی لہر پر جلد قابو پا لیں گے۔شہباز شریف کا کہنا تھا کہ ہم تعمیری سیاست پر یقین رکھتے ہیں، یہ وقت تخریبی سیاست کا نہیں ہے۔

اس خبر پر اپنی رائے کا اظہار کریں

اپنا تبصرہ بھیجیں