PMLN

مریم نواز کے طیارے سے انتہائی افسوسناک خبر آ گئی

لاہور(سٹاف رپورٹر)پاکستان مسلم لیگ ن کی چیف آرگنائزر مریم نواز شریف کے طیارے میں سوار ایک مسافر کو دل کا دورہ پڑ گیا جس کی وجہ سے طیارے کی روانگی میں تاخیر ہوگئی۔
”پاکستان ٹائم “ کے مطابق مریم نواز شریف 5 اکتوبر کو لندن گئی تھیں اور کم و بیش ساڑھے 3 ماہ بعد اب وہ وطن واپس پہنچ رہی ہیں۔مریم نواز گزشتہ رات لندن سے دبئی پہنچی تھیں جہاں سے وہ آج سہ پہر لاہور پہنچیں گی۔طیارہ لندن روانہ ہونے والا تھا کہ اس میں سوار ایک مسافر کو دل میں تکلیف محسوس ہوئی۔مسافر کے معائنے کے لیے میڈیکل ٹیم طیارے میں آئی،ابتدائی طبی معائنے کے بعد مسافر کو طیارے سے اتار کر ہسپتال منتقل کردیا گیا۔دل کی تکلیف میں مبتلا مسافر کی شناخت محمد ہارون کے نام سے ہوئی ہے اور اسے مسلم لیگ ن کا دیرینہ کارکن کہا جا رہا ہے۔اس حوالے سے وفاقی وزیر اطلاعات و نشریات مریم اورنگزیب نے کہا ہے کہ طیارےکی روانگی میں تاخیر کارکن کی طبیعت کی خرابی تھی،کارکن کو فوری طبی امداد کیلئے بھجوا دیا گیا ہے۔

اس خبر پر اپنی رائے کا اظہار کریں

اپنا تبصرہ بھیجیں