حیدرآباد(ہیلتھ رپورٹر) سندھ میں حیدرآباد سمیت مختلف شہروں میں آشوب چشم کی وبا تیزی سے پھیل رہی ہے جس کے باعث روزانہ سیکڑوں مریض ہسپتال پہنچ رہے ہیں۔
یہ بھی پڑھیں:پسماندہ علاقوں کے ہسپتالوں کے لئے سینکڑوں لیڈی ڈاکٹر بھرتی کرنے کا حکم آگیا
آشوب چشم نے کراچی کو اپنی لپیٹ میں لینے کے بعد حیدر آباد اور اندرون سندھ کے دیگر شہروں اور دیہاتوں کا رخ کر لیا ہے،چند دنوں میں آشوب چشم کے مریضوں کی تعداد میں تین گنا اضافہ ہو گیا ہے۔سندھ انسٹی ٹیوٹ آف اپتھمالوجی ویزول سائنسز کے ماہرین امراض چشم کا کہنا ہےکہ آشوب چشم تیزی سے پھیل رہا ہے جو کراچی کے بعد سندھ کے دیگر علاقوں تک پہنچ گیا ہے۔ڈاکٹروں کے مطابق آشوب چشم کے مریضوں میں بیکٹیریا کے جراثیم پائے گئے ہیں جب کہ دیگر امراض میں آنے والے متعدد مریضوں میں بھی آشوب چشم پایا گیا ہے۔ماہرین امراض چشم کا کہنا ہے کہ آنکھوں کے انفیکشن سے بچنے کیلئے احتیاطی تدابیر اختیار کریں جس کیلئے ہاتھوں کو دھونا،کالا چشمہ لگانا،تکیہ اور تولیہ علیحدہ کرنا شامل ہیں۔
یہ بھی پڑھیں:خیبر پختونخوا،ڈینگی کیسز تیزی سے بڑھنے لگے، 5 اضلاع ہائی رِسک قرار
