اسلام آباد: (ویب ڈیسک) سعودی ڈویلپمنٹ فنڈ نے مہمند ڈیم کے لیے پاکستان کو 24 کروڑ ڈالر کا قرضہ دے دیا۔ قرض سے بجلی کی ٹرانسمیشن میں مدد ملے گی۔
‘پاکستان ٹائم’ کے مطابق اقتصادی امور نے کہا ہے کہ قرض سے بجلی کی ٹرانسمیشن میں مدد ملے گی، قابل تجدید توانائی سے چلنے والا مہمند ڈیم منصوبہ 800 میگاواٹ بجلی پیدا کرے گا، مہمند ڈیم منصوبہ پائیدار زراعت کو فروغ دےگا، نئی زمین کی آبپاشی کو قابل بنائے گا، افصل کے رقبہ میں اضافہ کرے گا، مہمند ڈیم معاہدے پر دستخط کے دوران سعودی عرب اور پاکستان کے درمیان مضبوط ترقیاتی تعلقات کو اجاگر کیا۔ سی ای او ایس ایف ڈی نے کہا کہ مہمند ڈیم منصوبے کی کامیابی کے لیے ترقیاتی فنڈز کے درمیان مشترکہ تعاون اہم ہے، پاکستان کے لیے ایس ایف ڈی کی 1.4 ارب ڈالر کی امداد میں 41 ترقیاتی منصوبوں اور پروگراموں کے لیے فنڈنگ شامل ہے۔
