اسلام آباد: (بزنس رپورٹر) گورنر اسٹیٹ بینک جمیل احمد نے دعویٰ کیا کہ آئی ایم ایف قرض پروگرام کے حوالے سے کسی بھی وقت پاکستان کے لیے اچھا اعلان کر سکتا ہے۔
‘پاکستان ٹائم’ کے مطابق پبلک اکاونٹس کمیٹی میں شرکت کے بعد گورنر اسٹیٹ بینک جمیل احمد نے صحافیوں سے غیر رسمی گفتگو کرتے ہوئے کہا کہ پاکستان نے پبلک فنانس اور مانیٹری تقاضے پورے کر دیئے ہیں، ان تقاضوں کو پورا کرنے کے بعد راستہ ہموار ہو چکا ہے، دوست ممالک اور بینکنگ اداروں سے قرضوں اور سیف ڈیپازٹس کا انتظام ہو رہا ہے، اس معاملے میں مثبت پیش رفت ہو چکی ہے، اسٹیٹ بینک آف پاکستان نے اپنی جانب سے تمام اقدامات کر لیے ہیں، آئی ایم ایف کا اسٹاف لیول معاہدہ کسی وقت بھی ہو سکتا ہے۔
