اسلام آباد(کرائم رپورٹر) اینٹی نارکوٹک فورس ( اے این ایف) کا ملک بھر میں منشیات کی اسمگلنگ کے خلاف کریک ڈاون جاری ہے۔
اے این ایف نے مختلف کارروائیوں میں 344 کلوگرام منشیات برآمد کرکے 3 ملزمان کو گرفتار کرلیا۔ بلوچستان میں نوکنڈی چاغی کے علاقے میں 7۔316 کلو آئس اور 2۔17 کلو افیون برآمد کر لی گئی۔کراچی کے علاقے سہراب گوٹھ میں موٹر سائیکل سوار سے 6 کلو چرس جبکہ قیوم آباد میں ملزم سے 9۔2 کلو چرس برآمد کی گئی۔ ڈیرہ غازی خان روڈ ملتان میں ملزم سے ایک کلو آئس برآمد ہوئی۔ گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔
