اسلام آباد ( کورٹ رپورٹر) وفاقی حکومت نے بانی پی ٹی آئی عمران خان کے قید تنہائی میں رکھنے کے بیان کی تردید کر دی۔
حکومت نے بانی پی ٹی آئی کے موقف کی تردید میں سپریم کورٹ میں اضافی دستاویزات جمع کروا دیں، اضافی دستاویزات کے ساتھ سابق وزیراعظم کی اڈیالہ جیل میں وکلائ سے ملاقات کی تصاویر بھی شامل ہیں۔حکومت نے عمران خان سے ملاقات کرنے والوں کی فہرست سپریم کورٹ میں جمع کرواتے ہوئے کہا کہ بانی پی ٹی آئی کا قید تنہائی میں ہونے کا مو?قف بھی غلط ہے۔حکومت نے کہا کہ عمران خان نے سپریم کورٹ میں وکلائ تک رسائی نہ دینے کا موقف اپنایا، عدالت مناسب سمجھے تو بانی پی ٹی کے بیان اور حقیقت جانچنے کے لیے کمیشن بھی مقرر کر سکتی ہے، سابق وزیراعظم کو جیل میں کتابیں، ایئر کولر، ٹی وی سمیت تمام ضروری سہولتیں فراہم کی گئی ہیں۔
