اسلام آباد (جنرل رپورٹر) وزیراعظم کی کرسی سے اترنے کے بعد انوارالحق کاکڑ نے بھی اپنے سیاسی مستقبل کی منصوبہ بندی کرلی اور کہاہے کہ شاید کوئی نئی سیاسی جماعت بنالیں یا پھر کسی جماعت میں شمولیت اختیار کر سکتے ہیں۔ نجی ٹی وی چینل سے گفتگو کرتے ہوئے انوارالحق کاکڑ نے بتایاکہ موقع کی مناسبت سے حتمی فیصلہ کریں گے ، ابھی کئی آپشنز موجود ہیں۔ انہوں نے اپنی کابینہ کی کاکردگی پر بات کرتے ہوئے کہاکہ نگران حکومت میں فواد حسن فواد، محمد علی اور وزیر خزانہ شمشاد اختر کی کارکردگی سب سے بہتر رہی۔ایک سوال کے جواب میں انہوں نے انکشاف کیا کہ بین الاقوامی دوروں کے دوران تحائف میں انہیں صرف کھجوریں ہی ملی ہیں اور کھانے پینے والی اشیا توشہ خانے میں جمع نہیں ہوتی ۔
