اسلام آباد(وقائع نگار)سابق صدر ڈاکٹر عارف علوی نے صدر پاکستان کے آفیشل اکانٹ سے اپنی آخری پوسٹ کی اور بتایا ہے اس کے بعد اس اکانٹ کا سارا کنٹرول ملک کے 14 ویں منتخب صدر کے پاس چلا جائے گا۔
”پاکستان ٹائم ”کے مطابق سابق صدر ڈاکٹر عارف علوی نے ایکس پر کی گئی اپنی پوسٹ میں لکھا کہ پاکستانی عوام کی خدمت کرنا میرے لئے باعث اعزاز ہے، اللہ میری کوتاہیوں سے درگزر فرمائے اور میں نے جو اچھے اعمال کیے ہوں اس کا اجر عطا فرمائے۔انہوں نے لکھا کہ میں اور میری اہلیہ ثمینہ علوی ( سابق خاتون اول ) بھی ملک کیلیے دعا گو ہیں اور ہمیں اس میں کوئی شک نہیں کہ ایک شاندار مستقبل ہمارے ملک کا منتظر ہے۔انہوں نے لکھا کہ پریس آف پاکستان اکانٹ 2018 میں میں نے بنایا تھا اور اس ایکس ہینڈل سے بطور13 واں صدر یہ میری آخری پوسٹ ہے۔
