اسلام آباد (نمائندہ خصوصی ) وزیراعظم شہباز شریف کی کابینہ کی تشکیل پر مشاورت مکمل ہو گئی ہے اور سابق وزیرخزانہ سینیٹر اسحاق ڈار وزات خزانہ کی دوڑ سے باہر ہوگئے ہیں ، ان کی جگہ معروف بینکر محمد اورنگزیب کو وزیر خزانہ بنانے کا فیصلہ کیا گیا ۔
حکومتی ذرائع کے مطابق ان کے علاوہ احسن اقبال وزیر داخلہ، عطا تارڑ کو وزیر اطلاعات، حنیف عباسی کو وزارت صحت، خواجہ آصف کو وزارت دفاع ، سردار یوسف کو مذہبی امور، مصدق ملک پیٹرولیم، طارق فضل چودھری کو کیڈ جبکہ عابد شیر علی کو مشیر برائے پانی و بجلی مقرر کرنے کی تجویز ہے۔ ذرائع نے بتایا کہ تین مراحل میں کابینہ کی تشکیل ہونے کا امکان ہے ، دوسرے مرحلے میں اتحادیوں کی بھی کابینہ میں شمولیت متوقع ہے ۔
