لاہور (عدالتی رپورٹر )عورت مارچ رکوانے کیلئے دائر درخواست پر لاہورہائیکورٹ کافیصلہ آگیا اورفاضل عدالت نے درخواست ناقابل سماعت قرار دے کر خارج کر دی۔ لاہور ہائیکورٹ کے جسٹس شاہد کریم نے شہری اعظم بٹ کی درخواست پر محفوظ فیصلہ سنایا۔ درخواست گزار نے موقف اختیار کیا تھا کہ عورت مارچ کے کارڈز اور بینرز اسلامی معاشرے کے لیے کسی صورت قابل قبول نہیں، خدشہ ہے کہ ایک اور عورت مارچ سے نقص امن کا ویسا ہی خطرہ پیدا ہو گا جیسا ماضی میں ہوتا رہا ہے۔ یکم مارچ کو ہونے والی سماعت میں لاہور ہائیکورٹ نے ابتدائی دلائل سننے کے بعد فیصلہ محفوظ کر لیا تھا جو آج سنادیاگیا۔
