اسلام آباد (جنرل رپورٹر) متحدہ قومی موومنٹ(ایم کیو ایم)نے صدارتی الیکشن کا ووٹ مانگنے والوں سے 15 سال کا حساب مانگنے کا اعلان کردیااور فاروق ستار نے کہا ہے کہ پیاسا کنویں کے پاس آتا ہے، کنواں پیاسے کے پاس نہیں آتا، جو صدارتی الیکشن لڑ رہے ہیں انہوں نے ہم سے رجوع نہیں کیا۔ میڈیا سے گفتگو کرتے ہوئے انہوں نے کہا کہ جب صدارتی الیکشن کے امیدوار ووٹ مانگنے آئیں گے تو ان سے 15سالوں کا حساب مانگیں گے، محمود اچکزئی کسی بات پر ذاتی طور پر ناراض ہیں،ان کے ردعمل کو سیاست نہیں کہتے۔ فاروق ستار کا کہنا تھا کہ صدارتی امیدوار پہلے الیکشن لڑنے کا اپنا مقصد بیان کریں، صدر بننے کے بعد کیا کریں گے ۔
