راولپنڈی(نمائندہ خصوصی ) سابق سپیکر قومی اسمبلی اسد قیصر نے تحریک انصاف کے بانی عمران خان سے جیل میں ہونیوالی ملاقات کا احوال بتادیا اور موقف اپنایا کہ عمران خان کہتے ہیں تمام سیاسی جماعتوں کو ایک پوائنٹ ایجنڈے پر اکٹھا کریں، ہم گرینڈ الائنس کی طرف جا رہے ہیں۔ پاکستان ٹائم کے مطابق انہو ںنے بتایاکہ جی ڈی اے ، ٹی ایل پی سمیت جماعتوں سے رابطے کر رہے ہیں، آئین و قانون عوام کو جو حق دیتا ہے اس پر ڈاکہ نہیں ڈالنا چاہیے، تحریک انصاف 8 فروری کی جنگ جیت چکی ہے۔ ان کاکہناتھاکہ کل جو وزیراعلیٰ پنجاب بنی ہیں ان کے پاس مینڈیٹ نہیں ، ہمارے ووٹوں کو تبدیل کر کے مسلم لیگ (ن) کو جتوایا گیا لیکن اب فیصلے بند کمروں میں نہیں ہو سکتے۔
