کراچی (وقائع نگار)اویس قادرشاہ اسپیکر سندھ اسمبلی منتخب ہوگئے ہیں۔
”پاکستان ٹائم “کے مطابق اویس قادر شاہ 111ووٹ لےکر اسپیکرسندھ اسمبلی منتخب ہوئے ،پیپلزپارٹی کے امیدوار اویس قادر شاہ نے 111 ووٹ حاصل کیے،ایم کیو ایم کی امیدوار صوفیہ شاہ کو 36 ووٹ ملے۔
147 اراکین نے ووٹنگ کے عمل میں حصہ لیا،بعدازاں نومنتخب اسپیکر سندھ اسمبلی اویس قادرشاہ نےحلف اٹھالیا،آغاسراج درانی نے نومنتخب اسپیکر سندھ اسمبلی اویس قادرشاہ کومبارکباددی۔اویس شاہ نے خطاب کرتے ہوئے کہا کہ بلاول بھٹو،آصف زرداری سمیت لیڈرشپ کا مشکور ہوں،پہلی بار اسپیکر سندھ اسمبلی کاسکھر سے ہونا اعزاز کی بات ہے،اسپیکر منتخب ہونے پر اللہ کاشکر گزار ہوں۔ہماری لیڈر شپ نے ہمیشہ ہمیں سپورٹ کیا،سندھ کے عوام کے مشکور ہیں جنہوں نے پیپلزپارٹی کو واضح طور پر جتوایا،ایوان کو ا?ئین اور قانون کے مطابق چلاوں گا،بطوراسپیکرتمام ارکان کو ساتھ لے کرچلوں گا۔
