جب آئی ایم ایف کو خط لکھا جائے گا تو وہ سب کے سامنے آ جائے گا، روف حسن

اسلام آباد(وقائع نگار)ترجمان پاکستان تحریک انصاف رو¿ف حسن نے کہا ہے کہ مجھے نہیں لگتا کہ یہ حکومت پانچ سال مکمل کر سکے گی۔
”پاکستان ٹائم “کے مطابق ہم نیوز کے پروگرام ”پاکستان ٹونائٹ ود سید ثمر عباس ” میں گفتگو کرتے ہوئے رو¿ف حسن نے کہا کہ شیر افضل مروت کو شوکاز نوٹس جاری کر کے وضاحت مانگی گئی ہے ،بیرسٹر گوہر کا دور بہت اچھا تھا ، انہوں نے بہت حوصلے کے ساتھ پارٹی کو لیڈ کیا ہے۔انہوں نے کہا کہ اگر بیرسٹر گوہر دوبارہ آتے ہیں تو اسی جذبے اور لگن سے کام کریں گے ، بیرسٹر علی ظفر کی اپنی مجبوری ہے ، وہ بھی چیئرمین شپ کیلئے بہترین امیدوار تھے۔ہمیں امید ہے کہ عدالتوں سے ہمیں ریلیف ملے گا، آئی ایم ایف کو ابھی تک خط نہیں لکھا گیا، اور جو خط لکھا جانا ہے اس کا کنٹینٹ بھی سامنے نہیں آیا۔ ہم جب خط لکھیں گے تو وہ سب کے سامنے آ جائے گا۔رہنما تحریک انصاف کا کہنا تھا کہ ہم اسمبلیوں کے اندر رہ کر اپنا کردار ادا کریں گے، لیگل ااپشن کو استعمال کریں گے تاکہ ہمیں ریلیف ملے۔ ہم پر امن احتجاج کے آپشن کو بھی اوپن رکھیں گے، اسمبلی میں بھر پور اپوزیشن کا کردار ادا کریں گے۔انکا مزید کہنا تھا کہ حکومت کو غلط پالیسیوں پر یاددہانی کرواتے رہیں گے ، مجھے نہیں لگتا کہ یہ حکومت پانچ سال مکمل کر سکے گی۔