اسلام آباد(وقائع نگار)وفاق میں حکومت سازی کے معاملے میں مسلم لیگ (ن) اور پیپلز پارٹی معاملات طے پاگئے۔
”پاکستان ٹائم “کے مطابق اسلام آباد میں مسلم لیگ (ن) اور پیپلز پارٹی کے درمیان وفاق میں حکومت سازی کے معاملے پر ہونے والی بیٹھک اختتام کو پہنچ گئی۔ذرائع کے مطابق وفاق میں حکومت سازی کے معاملے پر بلاول بھٹو زرداری کچھ دیر میں زرداری ہاوس میں پریس کانفرنس کریں گے۔ن لیگ اور پی پی رہنماوں کی ملاقات ختم ہونے کے بعد بلاول بھٹو زرداری منسٹر انکلیو سے زرداری ہاوس اسلام آباد کی طرف روانہ ہوگئے۔ذرائع کے مطابق مسلم لیگ (ن) اور پیپلز پارٹی کے رہنماوں کی ملاقات میں دعائے خیر بھی کروائی گئی۔ملاقات میں بلاول بھٹو زرداری ، شہباز شریف، اسحاق ڈار، مراد علی شاہ ، قمر زمان کائرہ اور احسن اقبال موجود تھے۔
