اسلام آباد (مانیٹرنگ ڈیسک) عمران خان نے وکلا اور پارٹی رہنماوں سے ملاقات کی اجازت کے لیے اسلام آباد ہائیکورٹ سے رجوع کر لیا۔
غیر ملکی خبر رساں ادارے کے مطابق وکیل شیر افضل مروت نے عمران خان کی جانب سے اسلام آباد ہائیکورٹ میں درخواست دائر کی جس میں ان کا موقف بیان کیاگیا کہ عدالتی احکامات کے باوجود وکلا اور پارٹی رہنماوں کو ان سے ملنے نہیں دیا جا رہا،وکلا کو ایک صفحہ تک اڈیالہ جیل کے اندر نہیں لے کر جانے دیا جاتا اور ملاقات کے دوران پرائیویسی بھی فراہم نہیں کی جاتی، وکلا کی دستاویزات کو قبضے میں لے لیا جاتا ہے اور 24 گھنٹے بعد واپس کی کاجاتی ہیں۔عمران خان نے استدعا کی کہ انھیں شہریار آفریدی، اسد قیصر ، شاندانہ گلزاراور فیض الرحمن سے سیاسی مشاورت کی اجازت کے لیے احکامات جاری کیے جائیں۔ درخواست میں سیکریٹری داخلہ، چیف کمشنر اسلام آباداورسپریٹنڈنٹ اڈیالہ جیل کو فریق بنایا گیا۔
یہ بھی پڑھیں : بالاج ٹیپو کا قاتل کون ؟اہم معلومات منظر عام پر آ گئیں
