لاہور (جنرل رپورٹر )حالیہ الیکشن کے بعد حکومت سازی کے لیے جوڑتوڑ کا سلسلہ جاری ہے اور اب مسلم لیگ ن اور پیپلزپارٹی کے درمیان حکومت سازی کے معاملے پر مثبت پیشرفت سامنے آئی ہے، پیپلز پارٹی نے وفاقی کابینہ میں شامل ہونے کے لیے رضامندی ظاہر کر دی ۔ تفصیلات کے مطابق پیپلز پارٹی اور ن لیگ میں حکومت سازی کے معاملات آخری مراحل میں پہنچ گئے ہیں، صدر مملکت اورسپیکر قومی اسمبلی کے عہدے پیپلزپارٹی کو ملیں گے جبکہ چیئرمین سینیٹ اور چاروں گورنرز کا فیصلہ بعد میں کیا جائے گا۔ بلوچستان میں پیپلزپارٹی اور ن لیگ مل کر حکومت بنائیں گی جس میں وزیراعلی پیپلزپارٹی کا ہوگا۔ پیپلزپارٹی کو پنجاب کابینہ میں بھی نمائندگی ملنے کا امکا ن ہے ۔
