پشاور(جنرل رپورٹر ) تحریک انصاف کے رہنما شیر افضل مروت نے دعویٰ کیا ہے کہ پولیس نے انکے گھر چھاپہ مار کر لیپ ٹاپ سمیت ضروری اشیا قبضے میں لے لیں۔ لیکن وہ چھاپے سے قبل میں نکلنے میں کامیاب ہو گئے۔ سوشل میڈیا پر اپنے بیان میں انہوں نے کہا کہ چھاپہ غیر قانونی ہے، اس فعل پر آئی جی اور ایس پی اسلام آباد کے خلاف عدالت جاوں گا، لیپ ٹاپ میں میرا ذاتی ڈیٹا شامل تھا،یہ بزدلانہ ہتھکنڈے مجھے خوفزدہ کرسکتے ہیں اور نہ ہی مجھے اپنے مشن سے پیچھے ہٹنے پر مجبور کرسکتے ہیں، ہم پاکستان میں حقیقی جمہوریت کی لڑائی لڑ رہے ہیں۔ ان کاکہناتھاکہ میرے سوشل میڈیا اکاونٹ سے جاری کسی بھی قسم کی متنازع اور مذہب مخالف پوسٹس سے میرا تعلق نہیں ہوگا۔
