پشاور (نامہ نگار خصوصی )حالیہ الیکشن میں آزادحیثیت میں جیتنے والے امیدواروں کو دوسری پارٹی کی بجائے تحریک انصاف ہی جوائن کروانے کا فیصلہ کرلیاگیا، یہ فیصلہ پی ٹی آئی کور کمیٹی اجلاس میں کیاگیا۔ تفصیلات کے مطابق پی ٹی آئی کی جانب سے اجلاس میں فیصلہ کیا گیا ہے کہ پشاور ہائیکورٹ میں درخواست جمع کرائی جائے گی جس میں موقف اختیار کیا جائے گا کہ تحریک انصاف رجسٹرڈ پارٹی ہے، پی ٹی آئی امیدوار بلے کا نشان جانے سے آزاد الیکشن لڑے۔ اجلاس میں فیصلہ ہوا کہ درخواست میں لکھا جائے کہ ہائیکورٹ پی ٹی آئی کی مخصوص نشستوں کے لیے احکامات جاری کرے، اس حوالے سے ایڈووکیٹ سپریم کورٹ اور سینئر قانون دان قاضی انور کو ٹاسک دے دیا گیا۔
