پشاور (عدالتی رپورٹر) پشاور ہائیکورٹ نے تحریک انصاف کے نامزد وزیراعظم کو گرفتار نہ کرنے کا حکم دیدیا اور ایک ماہ کیلئے رہنما تحریک انصاف عمر ایوب کی راہداری ضمانت منظور کرلی۔ پاکستان ٹائم کے مطابق پشاور ہائیکورٹ میں عمر ایوب کی راہداری ضمانت کی درخواستوں پر سماعت چیف جسٹس محمد ابراہیم نے کی اوردرخواست منظور کرتے ہوئے ایک لاکھ روپے کے ضمانتی مچلکے جمع کرانے کی ہدایت کردی، وکیل درخواست گزار نے عدالت کو بتایا کہ عمر ایوب کے خلاف 24 مقدمات درج ہے، درخواست ہے ٹائم زیادہ دیا جائے،درخواست گزاروزارت عظمی کے امیدوار بھی ہیں۔ چیف جسٹس نے ریمارکس دیے کہ 24 مقدمات ہیں ایک عدالت میں روزانہ بھی پیش ہوں تو 24 دن لگیں گے، ایڈیشنل ایڈووکیٹ جنرل نے کہا کہ ایک مہینے کا ٹائم دے دیں، چیف جسٹس محمد ابراہیم خان نے ریمارکس دیے کہ ہم نے قانون کے مطابق چلنا ہے،ئیکورٹ نے ضمانت دی ہے اب کوئی گرفتار نہیں کرے گا، ایک ماہ میں آپ متعلقہ عدالتوں میں پیش ہوجائیں۔
