راولپنڈی (سٹاف رپورٹر) دفاع مزید مضبوط سے مضبوط تربنانے کے لیے پاکستان اور چین کے درمیان معاہدے کے تحت پاک بحریہ کی چھٹی ہنگور کلاس آبدوز کی تیاری شروع کردی گئی ہے۔ پاک فوج کے محکمہ تعلقات عامہ (آئی ایس پی آر) کے مطابق جہاز اورآبدوز سازی کی صنعت کا فروغ بحریہ کی اولین ترجیح ہے، جس کیلئے پاک بحریہ کی چھٹی ہنگور کلاس آبدوز کی تیاری شروع کردی گئی جوکہ جدید ترین ٹیکنالوجی اورہتھیاروں سے لیس ہوگی، دوسری ہنگور کلاس آبدوز کی کیل بچھانے کی تقریب کراچی شپ یارڈ اینڈ انجینئرنگ ورکس میں منعقد ہوئی۔
