نوازشہبازکی بیٹھک، اتحادیوں سے ملاقات پر بریفنگ، وفاقی کابینہ میں’’جج‘‘ کو بھی شامل کرنے پر غور

لاہور (نمائندہ خصوصی ) مسلم لیگ ن کے قائد نوازشریف سے پارٹی صدر شہبازشریف نے ملاقات کی ہے جس دوران شہباز شریف نے مختلف اتحادیوں سے ملاقاتوں کے بارے میں نواز شریف کو بریفنگ دی، ملاقات کے دوران متوقع وفاقی کابینہ کے لئے ریاض الحق جج سمیت مختلف ناموں پر غور کیا گیا۔ لیگی ذرائع کے مطابق حکومت کی تشکیل کے بعد 25 رکنی وفاقی کابینہ بنائے جانے کا امکان ہے، ایم کیو ایم کو 3 سے 5 وفاقی وزارتیں دیئے جانے پر معاملات زیر غور ہیں، مسلم لیگ ن کی جانب سے 15 سینئر لیگی رہنماوں کے نام وفاقی وزرا کے لئے زیر غور ہیں، لیگی رہنماں میں اسحاق ڈار، سردار ایاز صادق، خواجہ آصف، احسن اقبال، مریم اورنگزیب ، عطا اللہ تارڑ، شزا خواجہ،ریاض الحق جج، بلال اظہر کیانی، سردار اویس احمد خان لغاری، ڈاکٹر طارق فضل چودھری، راجہ قمر اسلام اور رانا تنویر حسین کے نام بھی وفاقی وزرا کیلئے زیر غور ہیں۔