کراچی (سٹاف رپورٹر )عام انتخابات 2024 کی فضائی انتخابی مہم کے لیے متحدہ قومی موومنٹ(ایم کیو ایم) پاکستان نے جہاز کی بکنگ کروالی۔ بتایاگیا ہے کہ انتخابی نشان کی پہچان کرانے اور الیکشن مہم کیلئے سکائی ونگز کا جہاز کرائے پر بک کروالیا گیا اوراس سلسلے میں سول ایوی ایشن اتھارٹی (سی اے اے )نے بھی اجازت نامہ جاری کردیا۔ ذرائع بتاتے ہیں کہ سکائی ونگز کے جہاز کی بکنگ کے اخراجات پارٹی امیدوار برائے صوبائی و قومی اسمبلی سجاد حسین شاہ اٹھارہے ہیں،جہاز الیکشن مہم میں انتخابی نشان اور پمفلٹ تقسیم کرنے کے لیے استعمال کیا جائے گا۔
