لاہور (سٹاف رپورٹر) قومی اسمبلی کے حلقے این اے 128 سے امیدوارسلمان اکرم راجہ نے عمران خان سے وفاداری کا قرآن پر حلف اٹھا لیااورکہا کہ منتخب ہونے کے بعد ہم ایوان میں پی ٹی آئی کی پارلیمانی پارٹی ہوں گے، سب سے پہلے میں خود قرآنِ پاک پر حلف لیتا ہوں۔ ان کا اپنے حلف میں کہنا تھاکہ تصور بھی نہیں کر سکتا کہ میں پی ٹی آئی یا بانی پی ٹی آئی سے غداری کروں، جس نے کاغذاتِ نامزدگی میں کہا کہ وہ پی ٹی آئی کا ہے، وہ جیت کر بھی وہیں رہے گا، میں نے کاغذاتِ نامزدگی میں لکھا ہے کہ میں پی ٹی آئی کا امیدوار ہوں، میں نے پی ٹی آئی کی جانب سے جاری ٹکٹ بھی آر او کو جمع کرایا ہے، کوئی مجھے کس طرح آزاد کہہ سکتا ہے؟ سلمان اکرم راجہ نے کہا کہ سب امیدواروں کو قرآن پاک پر حلف لینا چاہیے، ہم بانی اور پارٹی کے وفادار رہیں گے، کسی لالچ اور کسی خوف میں نہیں آئیں گے۔
