لاہور (سٹاف رپورٹر) سابق وزیر خزانہ مفتاح اسماعیل نے کہا ہے کہ آئین نہیں اس پر عمل درآمد مسئلہ ہے، کوئی بھی اس پر چلنا نہیں چاہتا ہے،صوبوں کو ایک دوسرے پر اعتماد نہیں، ابھی یہ مسئلہ ہی حل نہیں ہوا کہ پاکستان چلانا کیسے ہے میڈیا سے گفتگو کرتے ہوئے ان کا کہنا تھا کہ پاکستان میں کوئی بھی ادارہ کام نہیں کررہا ہے، صوبے ایک دوسرے پر اعتماد ہی نہیں کرتے ہیں، پاکستان میں مسئلہ آئین کا نہیں، اس پر عمل درآمد مسئلہ ہے،کوئی بھی آئین پرچلنا نہیں چاہتا۔ ان کامزید کہنا تھا کہ سب سے زیادہ بجٹ فوج کا ہوتا ہے، ان سے مجھے کوئی مسئلہ نہیں ہے، فوج کا سیاست میں اختیار اور استعمال مسئلہ ہے۔
