سڈنی (سپورٹس ڈیسک) آسٹریلیا کیخلاف ٹیسٹ سیریز میں وائیٹ واش کے بعد کپتان شان مسعود کا بیان بھی آگیااور اعتراف کیاہے کہ ہم نے ٹیسٹ میچ کے دوران جیت کے کئی مواقع ضائع کیے، آسٹریلیا وکٹوں کی تلاش میں تھا، ہم انہیں بار بار مواقع دیتے رہے۔ سیریز سے ہاتھ دھونے کے بعد میڈیا سے گفتگو کرتے ہوئے ٹیسٹ کپتان نے تسلیم کیا کہ قومی ٹیم نے میچز کے دوران چند مواقع ضائع کیے، ہم نے آسٹریلیا کو مواقع دیئے اور انہوں نے اس کا بھرپور فائدہ اٹھایا۔ انہوں نے کہا کہ محمد رضوان نے سب سے زیادہ سکور کیا لیکن اس سیریز میں کوئی بھی 200 سے زیادہ رنز نہیں بنا سکا، اگلا ٹیسٹ میچ کھیلنے کے لیے 10 ماہ کا وقت ہے ،اس دوران ہم مزید محنت اور غلطیوں سے سیکھنے کی کوشش کریں گے۔
