بغداد (فارن ڈیسک )امریکہ عراق میں موجود ایک گاڑی کو ڈرون طیارے سے حملے کا نشانہ بنادیا اور دعویٰ کیا ہے کہ عراقی ملیشیا کے کمانڈر 4 ساتھیوں سمیت مارے گئے ہیں۔ پینٹاگون نے اپنے بیان میں کہا ہے کہ بغداد کے شمالی علاقے میں عراقی کمانڈر مشتاق جواد کاظم الجواری کی گاڑی کو نشانہ بنایا گیا تھا ،وہ امریکی اہلکاروں پر حالیہ حملوں میں ملوث تھے تاہم اس ڈرون حملے میں کسی شہری اور انفراسٹرکچر کو کوئی نقصان نہیں پہنچا۔ عراقی وزیراعظم کے ترجمان نے حملے کی مذمت کرتے ہوئے اسے عراقی سکیورٹی تنظیم پر بلاجواز حملہ قرار دیا ہے۔
