اسلام آباد(سٹاف رپورٹر)تحریک انصاف نے پیپلز پارٹی اور اے این پی سے بات چیت کا اشارہ دیدیا اورپی ٹی آئی کے ترجمان معظم بٹ ایڈووکیٹ نے کہا ہے کہ پیپلز پارٹی اور اے این پی کو ہمارے ساتھ بات چیت کرنی چاہیے۔ اپنے ایک تازہ بیان میں معظم بٹ کاکہناتھاکہ جس ایجنڈے پر پیپلز پارٹی اور اے این پی بات کر رہی ہے وہی ایجنڈا ہمارا بھی ہے، اے این پی کو چاہیے کہ سیاسی سطح پر پی ٹی آئی سے ہاتھ ملائے، بلاول بھٹو جو باتیں کر رہے ہیں ممکن ہے کہ سیاسی اتحاد کی فضا قائم ہو۔ انہوں نے امیدظاہرکی کہ پی ٹی آئی اور اے این پی کے تعاون سے جمہوریت کے لیے موثر پیشرفت ہو گی،انہوں نے کہا کہ پیپلز پارٹی اشتراک عمل کے لیے ہاتھ بڑھائے تو ہم تیار ہیں۔
