الیکشن کروانے والا ادارہ ہی متنازع ہے تو پھر ایسے میں شفاف الیکشن کیسے ہوں گے، شیر افضل مروت کھل کر بول پڑے

اسلام آباد(وقائع نگار)پاکستان تحریک انصاف کے رہنما شیر افضل مروت نے کہا ہے کہ ہم چیف الیکشن کمشنر کو ہٹانے کے سپریم کورٹ بار اور پاکستان بار کے مقف کا خیرمقدم کرتے ہیں۔
”پاکستان ٹائم ”کے مطابق اڈیالہ جیل کے باہر میڈیا سے گفتگو کے دوران شیر افضل مروت نے کہا کہ الیکشن کروانے والا ادارہ ہی متنازع ہے تو پھر ایسے میں شفاف الیکشن کی توقع کیسے کی جا سکتی ہے، موجودہ چیف الیکشن کمشنر کے ہوتے ہوئے الیکشن صاف و شفاف نہیں ہوسکتے۔انہوں نے کہا کہ بانی پی ٹی آئی سے تفصیلی ملاقات ہوئی، کاغذات نامزدگی لے کر گیا تھا۔سابق چیئرمین تحریک انصاف سے ملاقات میں جیل انتظامیہ رکاوٹیں ڈال رہی ہے، جس کیلئے ہم عدالت سے رجوع کریں گے۔پی ٹی آئی رہنما کا کہنا تھا کہ سابق چیئرمین تحریک انصاف نے الیکشن میں ورکرز کو ترجیح دینے کی ہدایت کی ہے، جن لوگوں نے ورکرز کنونشن میں حصہ نہیں لیا انہیں پارٹی کا ٹکٹ جاری نہیں کیا جائے گا۔