دبئی (مانیٹرنگ ڈیسک)بھارت میں ابوظہبی سے کروڑوں روپے مالیت کا سونا اپنے جسم میں چھپا کر سمگل کرنے والا ملزم پکڑا گیا۔
”پاکستان ٹائم “کے مطابق ملزم ایئرعریبیہ کی پرواز 3ایل 127کے ذریعے گرین چینل سے بھارت کے شہر کوچی پہنچا جہاں کسٹمز ایئرانٹیلی جنس یونٹ نے چیکنگ کے دوران اس کے جسم میں موجود سونے کا پتا چلا لیا۔رپورٹ کے مطابق ملزم کے جسم سے کیپسول نماچار کنٹینرز برآمد ہوئے، جن میں سے ہر کنٹینر میں ایک پا کے لگ بھگ سونا تھا۔ملزم کے جسم سے مجموعی طور پر 954.70گرام سونا برآمد ہوا، جس کی مالیت 52لاکھ بھارتی روپے (تقریبا 1کروڑ 77لاکھ روپے) بنتی ہے۔ملزم کے خلاف مقدمہ درج کرلیا گیا ہے اور اس سے مزید تفتیش کی جا رہی ہے۔
