ممبئی (سپورٹس ڈیسک)آئی سی سی ورلڈکپ میں پاکستان اور بھارت کے درمیان کل احمد آباد میں کھیلے جانے والے میچ کے دوران موسم گرم اور خشک رہنے کا امکان ہے۔
بھارتی میڈیا کے مطابق ہفتے کو درجہ حرارت 36 ڈگری سینٹی گریڈ تک جانے کا امکان ہے،بھارتی میڈیا کا بتانا ہے پاک بھارت میچ کے روز سخت گرمی اور حبس کی پیش گوئی کی گئی ہے۔دوسری جانب بھارتی میڈیا نے دعوی کرتے ہوئے کہا ہے کہ نریندر مودی سٹیڈیم احمد آباد کی پچ پر بیٹرز حاوی ہوں گے، نریندر مودی سٹیڈیم احمد آباد کی پچ پر حالیہ میچز میں بھی بیٹرز کا غلبہ رہا ہے اور 14 اکتوبر کے پاک بھارت مقابلے میں نریندر مودی سٹیڈیم احمد آباد کی پچ پر بیٹرز حاوی ہوں گے۔بھارتی میڈیا نے یہ بھی کہا ہے کہ احمد آباد میں میچ کے آغاز میں فاسٹ بولرز کو اضافی بانس اور سوئنگ ملے گی، مڈل اوررز میں اسپنرز کو مدد ملنے کی امید ہے جبکہ مجموعی طور پربیٹرز کو شاٹس کھیلنے میں آسانی ہو گی۔
