حیدر آباد(سپورٹس ڈیسک)پاکستانی ٹیم کے وکٹ کیپر بلے باز محمد رضوان نے کہا ہے کہ دیگر معاملات اپنی جگہ مگر پاکستانی اور بھارتی عوام کے دلوں میں ایک دوسرے کے لیے محبت موجود ہے۔
یہ بھی پڑھیں:ورلڈ کپ وارم اپ میچ میں نیوزی لینڈ نے پاکستان کو شکست دے دی
نیوزی لینڈ کیخلاف پہلے وارم اپ میچ پر اظہار خیال کرتے ہوئے محمد رضوان نے کہا کہ انڈیا میں کھیلنا،پرفارم کرنا اور ملک کانام روشن کرنا یہ ناقابل بیان احساس ہوتاہے،انشا اللہ امید ہے کہ پاکستان ٹیم اچھا پرفارم کرے گی، محمد رضوان کا کہنا تھا کہ انڈیا میں جیسا استقبال ہوا،اس کا اندازہ تھا،ہم باہر بھی جب کھیلنے جاتے ہیں تو انڈین پیار سے ملتے ہیں،اسی طرح پاکستانی شائقین بھی انڈین کھلاڑیوں سے پیار کرتے ہیں۔محمد رضوان نے کہا کہ بھارت پہنچے پر ایئر پورٹ سے جیسے باہر نکلے اور عوام کا جوش وخروش دیکھ کر ایسا لگا کہ شاید ہم ورلڈکپ جیت کر کراچی یا لاہور ایئر پورٹ پر اترے ہیں۔انشااللہ انڈین ٹیم جب پاکستان آئے گی تو پاکستانی عوام انہیں اس سے کہیں زیادہ محبت دے گی۔ محمد رضوان نے کہا کہ وارم اپ میچزکا مقصد یہی ہوتا کہ جہاں کمی ہواس کو دور کریں، نیوزی لینڈ کےخلاف ہم نے کئی تجربات کئے،میچ میں اچھی چیزیں بھی ملیں اور کچھ چیزوں کی بہتر کرنے کی ضرورت بھی محسوس ہوئی،میچ میں نیوزی لینڈ نے ٹارگٹ حاصل کیا مگر شاہین کے 10 ،حارث کے 6 ،شاداب اور افتخار کے اوورز بھی نہیں تھے۔بیٹنگ ہم نے اچھی کی،حسن علی نے بھی اچھی باولنگ کی،فیلڈنگ میں ہمیں بہتری لانے کی ضرورت ہے،جس کی وجہ سے میچ ہارے۔
یہ بھی پڑھیں:آئی سی سی نے ورلڈ کپ 2023 کے کمنٹری پینل کا اعلان کر دیا
